Lutje Nga Kurani Dhe Suneti

Zoti ynë, ne i bëmë të padrejtë vetvetes, në qoftë se nuk na falë dhe nuk na mëshiron, ne me siguri do të jemi prej të shkatërruarve!

Zoti im, unë mbështetem në mbrojtjen Tënde që të mos kërkoj prej Teje atë për çka nuk kam njohuri, e në qoftë se nuk më fal mua dhe nuk më mëshiron Ti, do të jem i humbur!

Zoti im, më jep durim, më bëj që të vdes mysliman dhe më bashko me të mirët!

Zoti im, më bëj mua dhe pasardhësit e mi që të kryejmë namazin. Zoti ynë, pranoje lutjen time!

Zoti ynë, më fal mua, prindërit e mi dhe besimtarët në Ditën kur do të jepet llogaria!

O Zoti im! Më bën mua nga ata që falin namazin dhe prej pasardhësve të mi, si dhe pranoje lutjen time o Zoti ynë!

Zoti ynë! Më fal gabimet mua edhe prindërve të mi, fali edhe të gjithë besimtarët Ditën kur jepet llogaria.

Zoti im, më dhuro mua urtësi dhe më bashko me të mirët! Më bën përkujtim të mirë ndër ata që vijnë pas, Më bën prej trashëguesve të Xhenetit të begatshëm.

E mos më turpëro në Ditën kur do të ringjallen.

Zoti im, më dhuro mua një fëmijë prej të mirëve!

Zoti ynë, vetëm Ty të jemi mbështetur, vetëm nga Ti jemi kthyer dhe vetëm te Ti është e ardhmja!

Zoti ynë, mos na vën në sprovë në duar të atyre që nuk besuan dhe falna, Zoti ynë, Ti je Ngadhënjyesi, i Urti.

Zoti im, më mundëso që të falënderoj të mirat Tuaja që m’i dhurove mua dhe prindërve të mi dhe që të bëj vepra të mira që Ti i pëlqen, e me mëshirën tënde më fut në mesin e robërve Tuaj të mirë!

Zoti im, më falë edhe mua nga ana Juaj një pasardhës të mirë, vërtet, Ti je Dëgjues i lutjes!

Zoti im, mos më le të vetmuar se Ti je më i miri trashëgues.

Nuk ka Zot që meriton të adhurohet përveç Teje që je i Madhëruar. Vërtetë, unë jam prej të padrejtëve.

Zoti im, ma zgjero gjoksin tim! Më lehtëso në këtë punë timen! Më zgjidh nyjën e gjuhës sime! Që ta kuptojnë fjalën time!

Zoti im, unë e ngarkova veten e Ti më fal mua!

Zoti ynë, ne e besuam shpalljen, e pasuam të Dërguarin, pra shënona bashkë me ata që dëshmojnë besimin e drejtë!

Zoti ynë, mos i mundëso popullit mizor të na sprovojë! Me Mëshirën Tënde, na shpëto prej popullit jobesimtarë!

Zoti ynë, na i falë mëkatet dhe teprimin në veprat tona, si dhe na forco këmbët tona dhe na ndihmon kundër popullit jobesimtar!

O Zoti ynë, na dhuro nga ana Jote mëshirë dhe na përgatitë udhëzim të drejtë në tërë çështjen tonë!

Zoti im, më shto dituri!

O Zot im, unë mbrohem me Ty prej cytjeve të djajve! Kërkoj mbrojtjen Tënde që ata të mos më afrohen!

O Zoti im, më fal e më mëshiro, se Ti je më i miri i Mëshiruesve!

Zoti ynë na jep të mira në këtë jetë, të mira në botën tjetër dhe na ruaj nga dënimi i zjarrit!

Dëgjuam dhe respektuam. Kërkojmë faljen tënde o Zoti ynë, te Ti është ardhmëria jonë.

Zoti ynë, mos na dëno nëse harrojmë ose gabojmë! Zoti ynë, mos na ngarko neve barrë të rëndë siç i ngarkove ata para nesh! Zoti ynë, mos na ngarko me atë për të cilën nuk kemi fuqi! Na i mbulo të këqijat, na fal dhe na mëshiro. Ti je Mbrojtësi ynë, pra na ndihmo kundër popullit pabesimtarë!

Zoti ynë, mos na i lako zemrat tona pasi na i drejtove, na dhuro mëshirën Tënde, ngase vetëm Ti je Dhuruesi i Madh.

Zoti ynë, këtë nuk e krijove kot, i lartësuar qofsh, ruana prej dënimit të zjarrit! Zoti ynë, atë të cilin që Ti e fute në zjarr, atë e ke poshtëruar! Zoti ynë, ne dëgjuam një thirrës që ftonte për besim:Të besoni Zotin tuaj! E ne besuam! Zoti ynë, na i falë mëkatet tona, na i mbulo të metat dhe pas vdekjes na bashko me të mirët! Zoti ynë, jepna atë që nëpërmjet të Dërguarve Tu, na e premtove dhe në Ditën e Kijametit mos na turpëro. Me të vërtetë Ti je Ai që nuk e shkel premtimin.

O Zoti ynë, ne besuam, prandaj na falë dhe na mëshiro, se Ti je më i miri i Mëshiruesve!

Zoti ynë, largoje prej nesh vuajtjen e Xhehenemit, e s’ka dyshim se vuajtja në të është gjëja më e rëndë. Ai, vërtet është vendqëndrim i keq.

Zoti ynë, na bën që të jemi të gëzuar me punën e grave tona dhe pasardhësve tanë, neve na bën shembull për të devotshmit.

Zoti im, më inspiro mua që të falënderoj për të mirën tënde që ma dhurove mua dhe prindërve të mi, që të bëj vepra të mira që i pëlqen Ti dhe m’i bën të mirë pasardhësit e mi, unë pendohem tek Ti dhe unë jam prej muslimanëve.

Zoti ynë, falna ne dhe vëllezërit tanë që para nesh u pajisën me besim dhe mos lejo në zemrat tona urrejtjeje ndaj atyre që besuan. Zoti ynë Ti je i Butë, Mëshirues!

Zoti ynë, na e plotëso dritën tonë, falna neve. Vërtet, Ti je i Plotfuqishëm për çdo send.

Zoti ynë, ne vërtet besuam, na i falë mëkatet tona dhe na ruaj prej ndëshkimit të zjarrit!

Zoti ynë, ne kemi besuar, pra na regjistro ndër ata që dëshmojnë.

O Zot im! Bëje këtë qytet të sigurt dhe më mbro mua e bijtë e mi nga adhurimi i idhujve.

O Zoti im çfarëdo dhuntie që të më japësh, unë jam nevojtar!

O Zoti im, më ndihmo kundër popullit të prishur!

Zoti ynë mos na bëj neve me mizorët!

Më mjafton Allahu, s’ka zot pos Tij, te Ai mbështetem, e Ai është Zot i Arshit të madh!

Shpresoj që Zoti im të më udhëzoj drejt Rrugës së Drejtë.

O Zoti im, më shpëto prej popullit zullumqar.

O Allahu im na jep të mira në këtë jetë, të mira edhe në botën tjetër, si dhe na ruaj prej dënimit me zjarr!

O Allahu im, kërkoj mbrojtjen Tënde nga sprova e zjarrit dhe prej dënimit të xhehenemit, nga sprova e varrit dhe dënimit të varrit, si dhe nga sherri i sprovës së pasurisë dhe sherrit të sprovës së varfërisë. O Allahu im kërkoj mbrojtjen Tënde nga sprova e Dexhallit. O Zoti im, pastro zemrën time prej mëkateve të mia me borë, ujë dhe akull, si dhe pastroje zemrën time nga mëkatet, ashtu siç e pastron rrobën e bardhë prej njollave. Më largo mua nga mëkatet e mia, ashtu sikur e ke larguar lindjen prej perëndimit. O Allahu im, kërkoj mbrojtjen Tënde nga përtacia, mëkatet dhe nga borxhet ndaj njerëzve.

O Allahu im, kërkoj mbrojtjen Tënde nga paaftësia dhe dembelia, nga frika, nga pleqëria e thellë dhe nga koprracia, si dhe kërkoj mbrojtjen Tënde nga sprova e jetës dhe e vdekjes.

O Allahu im, kërkoj mbrojtje nga sprova që lodhë, nga fundi i fatkeqësive, gjykimi i keq dhe dashaligësia e armiqve

Allahu im, më përmirëso fenë time që është mbrojtëse e çështjes sime, më përmirëso dynjanë time në të cilën jetoj, më përmirëso ahiretin tim ku është kthimi im, bëj që jeta ime të jetë shkak për shtimin e çdo të mire dhe bëj që vdekja ime të jetë rehati prej çdo të keqe.

O Allahu im, të lus Ty për udhëzim, devotshmëri, dëlirësi dhe pasuri.

O Allahu im, kërkoj mbrojtjen Tënde nga paaftësia, dembelia, frika, koprracia, pleqëria e thellë dhe dënimi i varrit. Allahu im, jepi shpirtit tim devotshmëri dhe pastroje se Ti je Pastruesi më i mirë, Ti je Përgjegjës dhe Pronar i tij. Allahu im, kërkoj mbrojtjen Tënde nga dituria që nuk ka dobi, nga zemra që nuk frikohet, nga shpirti që nuk ngopet dhe nga lutja që nuk pranohet.

O Allahu im, më udhëzo dhe më mbaj në rrugë të drejtë, O Allahu im, unë të lutem ty për udhëzim dhe drejtim.

O Allahu im, unë kërkoj mbrojtjen Tënde nga largimi i dhuntive Tuaja, keqësimin e shëndetit që ma ke dhënë, dënimin e papritur dhe nga i gjithë hidhërimi Yt.

O Allahu im, kërkoj mbrojtjen Tënde nga e keqja e asaj që e kam vepruar dhe nga e keqja e asaj që nuk e kam vepruar.

O Allahu im, më shto pasurinë dhe fëmijët e mi, dhe më beko mua në atë që më ke dhuruar [më zgjat jetën time në adhurim ndaj Teje dhe mi bën veprat e mija të mira] si dhe më fal mua.

Nuk ka hyjni që meriton të adhurohet përveç Allahut të Madhëruar e të Urtë. Nuk ka hyjni që meriton të adhurohet tjetër përveç Allahut, Zotit të Arshit të Lartësuar. Nuk ka hyjni që meriton të adhurohet tjetër përveç Allahut, Zotit të qiejve dhe të tokës, si dhe Zotit të Arshit Fisnik.

O Allahu im, në mëshirën Tënde shpresoj, mos më le të mbështetem në vetvete, aq sa një përpëlitje e syrit dhe ma përmirëso gjendjen time. Nuk ka të adhuruar tjetër përveç Teje.

Nuk ka hyjni që meriton të adhurohet përveç Teje, që je i Madhëruar. Vërtetë, unë jam prej mëkatarëve.

O Allahu im, unë jam robi Yt e biri i robit Tënd dhe i robëreshës Tënde, balli im është në dorën Tënde. Dispozitat Tuaja mbi mua i pranoj, i drejtë është gjykimi Yt mbi mua. Të lutem me çdo emër me të cilin e ke emëruar Veten Tënde ose që e ke zbritur në librin Tënd, apo ia ke mësuar dikujt prej krijesave Tua, apo që e ke mbajtur të fshehur në diturinë Tënde, bëre Kuranin pranverë të zemrës sime dhe dritë të gjoksit tim, shndritje për pikëllimin dhe largim prej dëshpërimit.

O Allahu im, Ndryshues i zemrave, përforcoje zemrën time në fenë Tënde.

O Rrotullues i zemrave, përqendroje zemrën time në Fenë Tënde.

O Allahu im, kërkoj nga Ti shëndet në këtë botë dhe në Ahiret.

O Allahu im, na e bën të mirë ardhmërinë tonë në të gjitha çështjet tona dhe na mbrojë nga poshtërimi i kësaj bote, si dhe nga dënimi i botës tjetër.

O Zot, më ndihmo e mos i ndihmo ndokujt kundër meje, më mundëso fitore e mos i mundëso ndokujt të më fitojë, bën kurth për mua e jo kundra meje dhe më ndihmo kundër atij që më bën zullum. O Zot, më bën falënderues Tëndin, përmendës Tëndin, që frikohet shumë prej Teje, i kërrusur para Teje dhe i mposhtur e i penduar te Ti. O Zot, pranoje pendimin tim, laje mëkatin tim, përgjigju lutjes sime, udhëzoje zemrën time, drejtoje gjuhën time dhe largoje prej gjoksit tim urrejtjen dhe zilinë.

Allahu im, ne kërkojmë prej Teje çdo të mirë që e ka kërkuar prej Teje i Dërguari Yt, Muhamedi Alejhi Selam dhe kërkojmë strehim prej Teje nga çdo e keqe nga e cila ka kërkuar strehim tek Ti i Dërguari Yt, Muhamedi Alejhi Selam. Ti je Ndihmës, Ty të mbetet kumtimi dhe nuk ka mundësi e fuqi vetëm se me Allahun.

O Allahu im, kërkoj mbrojtjen Tënde nga e keqja e të dëgjuarit tim, nga e keqja e të pamurit tim, nga e keqja e gjuhës sime, nga e keqja e zemrës time, si dhe nga e keqja e epshit tim.

O Allahu im, kërkoj mbrojtjen Tënde nga gërbula, çmenduria, zgjeba dhe nga të gjitha sëmundjet e shëmtuara.

O Allahu im, kërkoj mbrojtjen Tënde prej moralit të keq, prej veprave të këqija dhe prej epsheve të këqija.

O Allahu im, Ti je Falës, Bujar dhe e do faljen, andaj më fal mua.

O Allahu im, kërkoj të më mundësosh të bëj vepra të mira dhe t’i lë veprat e këqija, t’i dua të varfrit, të më falësh dhe të më mëshirosh, e nëse dëshiron të sprovosh ndonjë popull, ma merr shpirtin duke mos më sprovuar, kërkoj që të më mundësosh dashurinë Tënde, dashurinë e atij që të do dhe dashurinë e asaj vepre që më afron tek dashuria Yte.

O Allahu im, kërkoj prej Teje të gjitha të mirat, të tashmet dhe të vonshmet, atë që e di dhe atë që nuk e di. Kërkoj mbrojtje prej Teje nga i gjithë sherri, i tashmi dhe i mëvonshmi, atë që e di dhe atë që nuk e di. Kërkoj prej Teje atë të mirë që e ka kërkuar robi dhe i Dërguari Yt, kërkoj mbrojtje prej Teje nga sherri që ka kërkuar mbrojtje prej Teje, robi dhe i Dërguari Yt. O Allahu im të lutem të më mundësosh Xhenetin, atë fjalë dhe vepër që më afron kah Xheneti, si dhe kërkoj mbrojtje prej Teje nga zjarri dhe nga çdo fjalë dhe vepër që më afron kah ai. Të lus që çdo caktim që më ke përcaktuar, përfundimi i saj për mua të jetë i mirë.

O Allahu im, më ruaj me Islam duke qenë në këmbë, më ruaj me Islam duke qenë ulur, më ruaj me Islam duke qenë i shtrirë dhe mos i mundëso armikut dhe ziliqarët dashaligësi ndaj meje. Allahu im, kërkoj nga çdo e mirë, magaza e së cilës është në Dorën Tënde dhe kërkoj mbrojtje prej Teje nga çdo e keqe, magaza e së cilës është në Dorën Tënde.

O Allahu im, na ndaj nga devotshmëria Yte pengesë mes neve dhe mëkateve ndaj Teje, na ndaj nga respektet Tuaja vepra që na dërgojnë në Xhenetin Tënd, na ndaj neve aq bindje sa na i lehtëson fatkeqësitë e dynjasë, Allahu im na mundëso që të kënaqemi me veshët, sytë dhe fuqinë tonë sa të jemi gjallë dhe këtë të fundit bëre trashëgimtar tonin, na jep fuqi deri në fund të jetës, bëj që hakmarrja ynë të jetë ndaj atyre që na bëjnë padrejtësi dhe na ndihmo kundër atyre që na armiqësojnë, mos e bën fatkeqësinë tonë në fenë tonë, e as mos e bën dynjanë interesin tonë më të madh e as qëllimin e diturisë sonë, si dhe mos mundëso të na sundojë ai që nuk na mëshiron.

O Allahu im, kërkoj mbrojtjen Tënde nga frika, kërkoj mbrojtjen Tënde nga koprracia, kërkoj mbrojtjen Tënde që të kthehem në moshë të shtyrë dhe kërkoj mbrojtjen Tënde nga sprovat e kësaj bote dhe nga dënimi i varrit.

O Allahu im, m’i fal gabimet e mia, injorancën time, lëshimet në punën time dhe atë që Ti e di më mirë se unë. Allahu im, më fal seriozitetin tim dhe shakanë time, gabimin që e bëj pa qëllim dhe me qëllim, ngase të gjitha këto i posedoj.

O Allahu im, unë i kam bërë padrejtësi të madhe vetes sime, askush s’i fal mëkatet përveç Teje, falëm me falje prej Teje dhe më mëshiro, ngase Ti je Falës, e Mëshirues.

O Allahu im, Ty të jam dorëzuar, Ty të kam besuar, vetëm në Ty jam mbështetur, Ty të pendohem, për Ty armiqësoj. Allahu im, kërkoj mbrojtje në Krenarinë Tënde, që nuk ka Zot tjetër përveç Teje, prej devijimit. Ti je i Gjalli që nuk vdes, kurse njerëzit dhe xhinët vdesin.

O Allahu im, ne kërkojmë prej Teje gjërat që na e bëjnë obligim mëshirën Tënde, vendosmëritë që na dërgojnë në faljen Tënde, shpëtimin prej çdo mëkati, të fitojmë prej nga çdo bamirësi, të fitojmë Xhenetin dhe të shpëtojmë nga zjarri.

O Allahu im, zgjeroje furnizimit Tënd ndaj meje atëherë kur të më kaplon pleqëria dhe kur të ndahem nga jeta.

Allahu im, m’i fal mëkatet, ma zgjero shtëpinë time dhe më beko mua në furnizimin tim.

O Allahu im, kërkoj prej dhuntive dhe mëshirës Tënde, ngase askush nuk i posedon këto përveç Teje.

O Allahu im, kërkoj mbrojtje prej Teje që mos të rrëzohem e të mbytem, mos të më zënë gërmadhat, mos të fundosem, mos të digjem. Kërkoj mbrojtje prej Teje që mos të më devijojë djalli duke dhënë shpirt. Kërkoj mbrojtje prej Teje që të vdes në rrugën Tënde duke u tërhequr dhe kërkoj strehim te Ti që mos të vdes i kafshuar prej kafshëve helmuese.

O Allahu im, kërkoj mbrojtjen Tënde nga uria, se ajo është më e keqe se varfëria dhe kërkoj mbrojtjen Tënde nga tradhtia, ngase është vesi më i keq i brendshëm.

Allahu im, kërkoj mbrojtjen Tënde prej pamundësisë dhe përtacisë, prej frikës dhe koprracisë, pleqërisë së thellë dhe vrazhdësisë, nga pakujdesia dhe dobësia, si dhe nga mposhtja e mjerimi. Dhe kërkoj mbrojtjen Tënde prej varfërisë dhe mosbesimit, nga mëkatet, armiqësia dhe dyfytyrësia, nga fama dhe nga veprat që bëhen për sy e faqe. Dhe kërkoj mbrojtjen Tënde nga shurdhimi dhe memecllëku, nga çmenduria, nga zgjeba, nga leproza dhe nga sëmundjet e këqija.

O Allahu im, kërkoj mbrojtjen Tënde nga varfëria, pakësimi dhe nënçmimi, si dhe kërkoj mbrojtjen Tënde nga bërja padrejtësi ndokujt ose të më bëjë padrejtësi ndokush.

O Allahu im, kërkoj mbrojtjen Tënde nga fqiu i keq në vendbanim, ngase fqiu endacak transferohet.

O Allahu im, kërkoj mbrojtjen Tënde nga zemra që nuk frikohet, nga lutja që nuk pranohet, nga shpirti që nuk ngopet dhe dituria që nuk ka dobi. Kërkoj mbrojtjen tënde nga të katërtat.

O Allahu im, kërkoj mbrojtjen Tënde prej ditës së keqe, natës së keqe, çastit të keq, shokut të keq dhe fqiut të keq në vendin ku banoj.

O Allahu im, kërkoj prej Teje Xhenetin dhe mbrohem me Ty nga zjarri (tri herë)

O Allahu im, ma mëso fenë.

O Allahu im, kërkoj mbrojtjen Tënde nga idhujtaria, që e di dhe kërkoj faljen Tënde për atë që nuk e di.

O Allahu im, më bën dobi me atë që më ke mësuar, më mëso atë që më bën dobi dhe ma shto diturinë.

O Allahu im, të lutem për dituri të dobishme, furnizim të mirë dhe vepra të pranuara.

O Allahu im, kërkoj prej Teje O Allah, se Ti me të vërtetë je Një, i Vetëm, i pa rival, për Ty kanë nevojë të gjitha krijesat, nuk je i lindur e as ke lindur dhe askush nuk të ngjan Ty, të m’i falësh mëkatet, ngase Ti je Falësi, i Gjithëmëshirshmi.

O Allahu im, kërkoj prej Teje duke e ditur se Ty të takon falënderimi, nuk ka Zot tjetër përveç Teje [Një i Vetëm e i pa rival], Ti je Dhurues i madh, [o] Shpikës i qiejve dhe i Tokës, o Pronar i Shkëlqesisë dhe i Fisnikërisë, o Ti që je i Gjallë dhe Mbikëqyrës, unë kërkoj [Xhenetin dhe kërkoj mbrojtjen Tënde nga zjarri].

O Allahu im, kërkoj prej Teje duke dëshmuar se Ti je Allahu, nuk ka hyjni tjetër përveç Teje, je Një, për Ty kanë nevojë të gjitha krijesat, nuk je i lindur e as ke lindur dhe askush nuk të ngjan Ty.

O Zot im më fal dhe ma prano pendimin tim! Ti je vërtetë Ai që pranon pendimin dhe që falë shumë.

O Allahu im, me Diturinë Tënde mbi të fshehtat dhe mundësinë Tënde ndaj krijesave, më le të gjallë nëse jeta është më e mirë për mua dhe ma merr shpirtin nëse vdekja është më e mirë për mua. Allahu im, kërkoj prej Teje që të frikohem kur jam i vetëm dhe kur jam në njerëz. Kërkoj prej Teje të flas të vërtetën kur jam i kënaqur dhe kur jam i hidhëruar; kërkoj prej Teje të jem mesatar kur jam i pasur dhe kur jam i varfër; kërkoj prej Teje begati që nuk harxhohen dhe kënaqësi që nuk ndërpriten; kërkoj prej Teje të jem i kënaqur pas caktimit Tënd; kërkoj prej Teje jetë të ftohtë pas vdekjes; kërkoj prej Teje kënaqësinë e shikimit në Fytyrën Tënde dhe mallëngjimin për takimin me Ty, duke mos përjetuar ndonjë dëm e duke mos u sprovuar me sprovë devijuese. Allahu im, na zbukuro me bukurinë e besimit dhe na bën të udhëzuar dhe udhëzues.

O Allahu im, më furnizo me dashurinë Tënde dhe dashurinë e atij që më bën dobi në dashurinë ndaj Teje. O Allahu im, atë që më ke furnizuar shndërroje në fuqi tek unë, në atë që Ti e do. Allahu im, atë që e ke larguar nga unë që e dua, shndërroje atë në një kthim tek unë, në atë që Ti e do.

O Allahu im, më pastro mua nga mëkatet dhe gabimet e mia, O Allahu im më pastro prej tyre, ashtu sikur pastrohet rroba e bardhë prej njollave. O Allahu im, më pastro mua me borë, akull dhe me ujë të ftohtë.

O Allahu im, kërkoj mbrojtjen tënde nga koprracia, nga frika, nga jeta e keqe, nga sprova e zemrës dhe nga dënimi i varrit.

O Allahu im, që je Zoti i Xhibrilit, Mikailit dhe Israfilit, kërkoj mbrojtjen Tënde nga nxehtësia e zjarrit, dhe nga dënimi i varrit.

O Allahu im, më frymëzo në udhëzim dhe më mbroj nga të këqijat e shpirtit tim.

O Allahu im, të kërkoj dituri të dobishme, dhe kërkoj mbrojtjen Tënde nga dituria që nuk ka dobi.

O Allahu im, Zot i të [shtatë] qiejve dhe Zot i Arshit të Madh, Zoti ynë dhe Zot i çdo sendi, Zbërthyes i farës dhe i bërthamës së pemës, Ti je Ai, i Cili e shpalle Tevratin, Inxhilin dhe Kuranin. Kërkoj mbrojtjen Tënde nga sherri i çdo sendi që është në dorën Tënde. O Allah, Ti je i Pari dhe para Teje nuk pati asgjë. Ti je i Fundit dhe mbas Teje nuk mbetet asgjë. Ti je i Dukshmi dhe mbi Ty nuk ka asgjë. Ti je i Padukshmi dhe nën Teje nuk ka asgjë. Largoje nga ne borxhin dhe na mbroj prej varfërisë.

O Allahu im, na i bashko zemrat tona dhe na pajto mes vete, na udhëzo rrugëve të shpëtimit dhe na nxjerr prej errësirave në dritë. Na largo prej të gjitha amoraliteteve, të dukshme dhe të brendshme. Na e beko dëgjimin, shikimin, zemrat, gratë dhe pasardhësit tanë. Pranoi pendimet tona, se Ti me të vërtetë je Pranues i pendimeve dhe i Mëshirshëm. Na bën që të falënderojmë për dhuntitë e Tua, që të lavdërojmë për to, t’i pranojmë dhe na i plotëso, o Zot.

O Allahu im, kërkoj prej Teje kërkesën më të mirë, lutjen më të mirë, shpëtimin më të mirë, punën më të mirë, shpërblimin më të mirë, jetën më të mirë, vdekjen më të mirë, më përforco dhe ma rëndo peshojën e të mirave, ma forco besimin, m’i ngrit shkallët në Xhenet, ma prano namazin, m’i fal mëkatet dhe kërkoj prej Teje shkallë të larta në Xhenet. Allahu im, kërkoj prej Teje çelësat e të mirave dhe fundin e tyre, të gjitha të mirat; fillimin e tyre, të dukshmet dhe të brendshmet, si dhe shkallët e larta të Xhenetit. Amin. Allahu im, kërkoj të mirën e asaj që e bëj dhe që e veproj, të mirën e asaj që duket dhe të mirën e asaj që s’duket dhe shkallët e larta të xhenetit. Amin. Allahu im, kërkoj që të ma ngritesh lart emrin tim, të m’i falesh mëkatet, të ma përmirësosh gjendjen, të ma pastrosh zemrën, të m’i mbrosh organet nga amoraliteti, të ma ndriçosh zemrën, të m’i falesh mëkatet dhe shkallët e larta të Xhenetit. Amin. Allahu im, kërkoj që të më bekosh mua, dëgjimin tim, shikimin, shpirtin, fytyrën, moralin, familjen, jetën, vdekjen, veprat, t’i pranosh të mirat që i veproj dhe shkallët e larta të Xhenetit. Amin.

O Allahu im, më largo prej moralit të keq, prej epsheve të këqija, prej veprave të këqija dhe prej sëmundjeve të këqija.

O Allahu im, më bën të kënaqur me atë që më furnizon dhe ma bën të bekuar, si dhe ma zëvendëso mua çdo mungesë timen me të mirë.

O Allahu im, më llogarit me llogari të lehtë.

O Allahu im, më ndihmo që të përmend e të falënderoj dhe më mundëso që të adhuroj sa më mirë.

O Allahu im, kërkoj prej Teje besim që nuk largohet, begati që nuk harxhohen dhe shoqërimin e Muhamedit alejhi selam në lartësitë më të mëdha të Xhenetit.

O Allahu im, më mbroj nga sherri i vetes sime dhe më mundëso që ta vendos çështjen më të drejtë. Allahu im, m’i fal mëkatet që i kam bërë fshehurazi dhe haptazi, që i bëj pa qëllim dhe me qëllim, që i di dhe që nuk i di.

O Allahu im, kërkoj mbrojtjen Tënde nga fundosja në borxhe, të mos na ngadhënjejë armiku dhe nga dashaligësia e armiqve.

O Allahu im, më fal mua, më udhëzo, më furnizo, më jep shëndet dhe kërkoj mbrojtjen tënde nga ngushtësia e qëndrimit në Ditën e Kiametit.

O Allahu im, më kënaq me dëgjimin, shikimin tim dhe bëri trashëgimtarë të mi. Më ndihmo ndaj atyre që më bëjnë padrejtësi dhe hakmerru për mua.

O Allahu im, kërkoj prej Teje jetë të pastër, vdekje të drejtë dhe kthim pa nënçmim e turpërim.

O Allahu im, ty të takon i tërë falënderimi, Allahu im, nuk ka ngushtim për atë që Ti e ke zgjeruar dhe nuk ka zgjerim për atë që Ti e ke ngushtuar; nuk ka udhëzim për atë që e devijove e as nuk ka devijim për atë që e udhëzove, nuk ka kush i jep atij që i ndalove, e as nuk ka kush i ndalon atij që i dhurove, nuk ka afrim për atë që e largove, e as nuk ka largim për atë që e afrove. O Allahu im, na i zgjero dhe na i lehtëso begatitë e Tua mëshirën Tënde, mirësitë Tua, dhe furnizimin Tënd. O Allahu im, unë të kërkoj Ty dhunti, begati të përjetshme, e cila as nuk ndërpritet e as nuk harxhohet. O Allahu im, unë të kërkoj dhunti në ditët e vështira, dhe siguri në ditët e frikës. O Allahu im, unë mbrohem me Ty nga e keqja e asaj që na e ke dhënë, dhe nga e keqja e asaj që na e ke ndaluar. O Allahu im, na e dashuro besimin dhe na e zbukuro atë në zemrat tona, si dhe na e bën të urryer mosbesimin, shfrenimin, kundërshtimin dhe na bën neve nga të drejtët. O Allahu im, na bën që të vdesim si musliman dhe na ngjallë musliman, si dhe na tako me të mirët, duke mos qenë të turpëruar e as të sprovuar. O Allahu im, vriti jobesimtarët, të cilët përgënjeshtrojnë të Dërguarit e Tu dhe largojnë nga rruga Jote, bëre mbi ata hidhërimin dhe dënimin Tënd. O Allahu im, mposhti jobesimtarët, të cilëve u është dhënë libri; O Zot, i Adhuruari i Vërtetë [Amin].

O Allahu im, më fal, më mëshiro, më udhëzo, më jep shëndet dhe më jep furnizim.

...më forco në këtë fe dhe më ngritë.

O Allahu im, na shto të mirat e Tua e mos na i pakëso, na ndero e mos na nënçmo, na dhuro të mira e mos na privo, na bëj ngadhënjimtar, e jo të mposhtur, na bëj të jemi të kënaqur me Ty dhe Ti të jesh i kënaqur me ne.

O Allahu im, ke përsosur krijimtarinë time përsose edhe moralin tim.

O Allahu im, më përforco dhe me bëj të udhëzuar dhe udhëzim për të tjerët.

O Allahu im, më dhuro urtësi, dituri, maturi, e atij që ia jep, i është dhënë mirësia më e madhe.