Mësoni suren Maun me titra Shqip me shkronja Arabe.
Surja El Maun me përkthim dhe transliterim. Surja Maun Shqip Arabisht
107) SURETL-MA’UN
‘ËRA’ËJTËL-LEDHI JUKEDHDHIBU BID-DIJN (EL-MA’UN: 1).
A e ke parë ti (a e sheh) atë, që përgënjeshtron përgjegjësinë dhe llogarinë në botën tjetër?
FËDHËLIKËL LEDHI JEDU’’UL-JETIM (EL-MA’UN: 2).
Po ai është që e përzë në mënyrë të vrazhdë bonjakun.
WË LË JEHUDDU ‘ALË TA’AMIL-MISKIN (EL-MA’UN: 3).
Dhe që nuk nxit për ta ushqyer të varfërin.
FËWËJLUN LILMUSALIN (EL-MA’UN: 4).
Pra shkatërrim është për ata që falen,
EL-LEDHINE HUM ‘AN SALËTIHIM SËHUN (EL-MA’UN: 5).
Të cilët ndaj namazit të tyre janë të pakujdesshëm.
EL-LEDHINE HUM JURA’UN (EL-MA’UN: 6).
Ata që vetëm shtiren (sa për sy e faqe).
WË JEMNË’UNËL-MË’UN (EL-MA’UN: 7).
Dhe nuk japin as sendin më të vogël (as hua).
Kjo sure ka shtatë ajete. Sipas një pjese të interpretuesve të Kuranit, surja ka zbritur në Meke. Sipas disa të tjerëve tre ajetet e para kanë zbritur në Meke, ndërsa pjesa tjetër në Medine.[1]
Sipas Meududit, kjo sure ka zbritur në Medine. Ai thotë: “Sipas nesh, në këtë sure ka tregues që na tregojnë se kjo sure është medinase. Dhe ky tregues është, paralajmërimi për ata që falin namaz dhe shprehja “mjerë” për ata që janë të pakujdesshëm ndaj namazit apo ata që e falin atë sa për sy e faqe, sepse myslimanët ishin aq të fuqishëm në Medine, sa disa njerëz, për përfitimet e tyre, shfaqeshin si myslimanë. Pjesëmarrja në xhemat (grup) ishte vetëm që të pranoheshin si myslimanë. Ndërsa në Meke nuk kishte gjëra të tilla. Atje askush nuk kishte nevojë të falte namaz për t’u dukur. Edhe për vetë besimtarët në Meke ishte shumë e vështirë të falnin namaz apo të formonin xhemat. Myslimanët faleshin fshehurazi në Meke.”
